Erondagi harbiy operatsiyaning birinchi haftasi AQShga 6 milliard dollarga tushdi — NYT
Ushbu mablag‘ning 4 milliard dollari Eron raketa tizimlarini yo‘q qilishga yo‘naltirilgan.
The New York Times nashrining xabariga ko‘ra, Qo‘shma Shtatlar Erondagi harbiy operatsiyasining birinchi haftasida taxminan 6 milliard dollar mablag‘ sarflagan.
Pentagon ushbu ma’lumotni Kongressga oshkor qilgan.
Xabarda ta’kidlanishicha, bu mablag‘larning 4 milliard dollari Eronning raketa tizimlarini yo‘q qilish va o‘q-dorilarni ta’minlashga yo‘naltirilgan.
Nashrning ma’lumotiga ko‘ra, qonun chiqaruvchilar AQSh ma’muriyati Kongressdan harbiy operatsiya uchun qo‘shimcha mablag‘ so‘rashi kutilmoqda.
Eslatib o‘tamiz, 28-fevral kuni AQSh va Isroil Eronga qarshi harbiy operatsiya boshlagan. Tehron va boshqa yirik shaharlarda nishonlar zarbaga uchragan. Ushbu operatsiyalar Oq uy tomonidan Eronning raketa va yadroviy tahdidlari bilan izohlangan. Islom inqilobi qo‘riqchilari korpusi Isroildagi nishonlarga javob zarbalarini amalga oshirdi, shuningdek, Bahrayn, Iordaniya, Qatar, Quvayt, BAA va Saudiya Arabistonidagi AQSh nishonlariga ham hujumlar sodir bo‘ldi.
