Isroil va AQSh Tehrondagi neft omborlariga zarba berdi
Hujumlar Eron poytaxtidagi yonilg‘i infratuzilmasiga qaratilgan.
Isroil va AQSh harbiy kuchlari Tehronning janubiy hududlariga havo hujumlari uyushtirdi. Bu haqda Fars axborot agentligi xabar berdi.
Agentlik ma’lumotiga ko‘ra, zarbalar asosan poytaxtning neft omborlari joylashgan hududlariga qaratilgan. Hujumlar davomida yonilg‘i saqlash infratuzilmasi joylashgan ayrim obyektlar nishonga olingani aytilmoqda.
Xabarlarga ko‘ra, operatsiyalarda Isroil havo kuchlari ham ishtirok etgan. Hujumlarning asosiy maqsadi Eron poytaxtidagi hukumatga qarashli infratuzilma obyektlari bo‘lgan.
Hozircha zarba oqibatida yetkazilgan zarar miqdori yoki ehtimoliy qurbonlar haqida rasmiy ma’lumotlar e’lon qilinmagan.
