Yaqin Sharqdagi yurtdoshlar xavfsizligi doimiy nazoratda — Oʻzbekiston diplomatik vakolatxonalari
Vakolatxonalar 24/7 rejimida faoliyat yuritib, fuqarolarga konsullik yordam ko‘rsatmoqda va maxsus @tiv_yordam_bot orqali murojaatlarni tezkor ko‘rib chiqmoqda.
Oʻzbekistonning Koʻrfaz arab davlatlaridagi diplomatik vakolatxonalari Yaqin Sharq mintaqasida yuzaga kelgan vaziyatni doimiy ravishda kuzatib bormoqda.
Fuqarolardan vaziyatga vazmin va xotirjam munosabatda boʻlish, asossiz xavotirga berilmaslik soʻraladi. Hozirgi vaqtda qabul qiluvchi davlatlar tomonidan barqarorlik va jamoat xavfsizligini taʼminlashga qaratilgan tegishli chora-tadbirlar amalga oshirilmoqda.
Oʻzbekiston diplomatik vakolatxonalari va konsullik xizmatlari 24/7 rejimida faoliyat yuritmoqda. Fuqarolardan kelib tushgan murojaatlar @tiv_yordam_bot orqali tezkor ko‘rib chiqilmoqda.
Shuningdek, yurtdoshlarni xavfsiz tarzda Oʻzbekistonga qaytarish bo‘yicha chora-tadbirlar doimiy nazorat ostida. Diplomatik vakolatxonalar aviakompaniyalar va mahalliy vakolatli idoralar bilan hamkorlikda barcha zarur choralarni ko‘rmoqda.
Fuqarolardan qabul qiluvchi davlatlarning amaldagi qonun va tartib-qoidalariga qatʼiy rioya qilish, vaziyatga oid maʼlumotlarni faqat rasmiy manbalardan olish va tasdiqlanmagan xabarlarga ishonmaslik tavsiya etiladi.
