Eron yadroviy dasturini harbiy yo‘l bilan yo‘q qilib bo‘lmaydi — Abbos Aroqchi
Eron TIV rahbari va Isroilga qarshi qancha kerak bo‘lsa shuncha hujum qilishga tayyorligini bildirdi.
Eron tashqi ishlar vaziri mamlakatning yadroviy dasturini harbiy yo‘l bilan yo‘q qilish mumkin emasligini aytdi. Bu haqda Iran International nashri Abbos Aroqchining AFP agentligiga bergan intervyusiga tayanib, yozmoqda.
Aroqchining ta’kidlashicha, bu dastur texnologiyasi allaqachon shakllangan, obyektlar turli hududlarga tarqatilgan va yaxshi himoyalangan.
“AQSh va Isroil raketa inshootlarimizga ham hujum qilishdi, lekin raketalarning uchirilishini to‘xtata olmadi. Biz kerak bo‘lganda va kerak bo‘lgancha ularga raketalarimiz bilan hujum qilishni davom ettirishga yetarlicha tayyormiz” — dedi Eron tashqi ishlar vaziri.
