Farg‘onada suv ta’minoti xodimi fuqarolar tomonidan kaltaklandi
Jabrlangan xodimga zudlik bilan tibbiy yordam ko‘rsatilgan hamda mazkur holat yuzasidan tuman ichki ishlar idorasiga xabar berilgan.
Farg‘ona viloyati O‘zbekiston tumani suv ta’minoti filiali xodimi fuqarolar tomonidan kaltaklandi. Bu haqda «Farg‘ona suv ta’minoti» AJ axborot xizmati xabar berdi.
Xabarga ko‘ra, kecha, 9-mart kuni viloyatning O‘zbekiston tumanida faoliyat olib borayotgan tuman suv ta’minoti filiali inspektori hamda mijozlar bo‘limi boshlig‘i xizmat vazifasini bajarayotgan vaqtida ayrim fuqarolar tomonidan kaltaklangan, shuningdek ularning xizmat avtomashinasiga shikast yetkazilgan.
Jabrlangan xodimga zudlik bilan tibbiy yordam ko‘rsatilgan hamda mazkur holat yuzasidan tuman ichki ishlar idorasiga xabar berilgan.
Hozirda ushbu holat bo‘yicha huquq-tartibot organlari tomonidan tegishli tartibda surishtiruv ishlari olib borilmoqda.
