Pentagon rahbari Eronga qarshi zarbalar kuchaytirilishini ma’lum qildi
Operatsiyada ko‘plab qiruvchi va bombardimonchi samolyotlar jalb qilinadi.
AQSh Mudofaa vazirligi rahbari Pit Xegset AQSh va Isroil tomonidan Eronga qarshi olib borilayotgan harbiy operatsiya doirasida zarbalar yanada kuchaytirilishini ma’lum qildi. Bu haqda TASS axborot agentligi xabar berdi.
Uning ta’kidlashicha, Eron hududiga nisbatan eng intensiv zarbalar amalga oshirilishi rejalashtirilgan. Operatsiyada ko‘p sonli qiruvchi samolyotlar, bombardimonchi samolyotlar hamda aniqroq razvedka ma’lumotlaridan foydalanilishi ko‘zda tutilgan.
“Eron hududiga eng intensiv zarbalar beriladi. Operatsiyada ko‘proq qiruvchi va bombardimonchi samolyotlar jalb qilinadi, zarbalar aniq razvedka ma’lumotlari asosida amalga oshiriladi”, — dedi Pit Xegset.
Pentagon rahbarining so‘zlariga ko‘ra, AQSh harbiylari so‘nggi 24 soat ichida Eron tomonidan amalga oshirilgan raketa zarbalari sonining kamayganini qayd etgan.
Shu bilan birga, u AQSh hozircha Eronga qarshi harbiy harakatlarni kengaytirishni rejalashtirmayotganini ham ta’kidladi. Agar zarurat tug‘ilsa, Hormuz bo‘g‘ozi orqali harakatlanayotgan tankerlar va boshqa kemalarning xavfsizligini ta’minlash uchun qo‘shimcha operatsiyalar o‘tkazilishi mumkin.
