Trampning maslahatchilari uni Eronga qarshi urushdan chiqish yo‘lini topishga undamoqda — The Wall Street Journal
Maslahatchilar neft narxlarining oshishi va uzoq davom etadigan mojaro siyosiy norozilikka sabab bo‘lishi mumkinligidan xavotirda.
AQSh Prezidenti Donald Trampning bir nechta maslahatchilari so‘nggi kunlarda unga Eron bilan urushdan chiqish uchun reja ishlab chiqishni tavsiya qilgan. Bu haqda The Wall Street Journal nashri yuqori martabali Oq uy vakillariga tayanib, xabar bermoqda.
Qayd etilishicha, Eron bilan bog‘liq mojarolarda ishtirok etishni to‘xtatish neft narxlarining oshishi va uzoq davom etadigan mojaro oqibatida paydo bo‘layotgan xavotirlar fonida muhim hisoblanadi.
Shuningdek, AQSh ma’muriyatining vakili AQSh harbiy ustunlikka ega bo‘lib turgan bir paytda, Tramp urushni faqat qoniqarli g‘alabaga erishsagina to‘xtatishi mumkinligini ma’lum qilgan.
“Tramp Eronning AQSh va Isroilning tinimsiz qo‘shma harbiy kampaniyasiga qaramay taslim bo‘lmayotganidan hayratda qolmoqda,” — deya qo‘shimcha qilgan mansabdor.
