Eron Yaqin Sharqdagi AQSH va Isroilga tegishli yirik banklarga hujum qilishi mumkin
Eron harbiy shtabi rahbari Yaqin Sharq mamlakatlari aholisiga ushbu obyektlardan bir kilometr uzoqroqda bo‘lishni maslahat berdi.
Eron bankiga qilingan hujumdan keyin mamlakat harbiy shtabi rahbari Yaqin Sharqdagi AQSH va Isroilga tegishli iqtisodiy markazlar va banklarga zarba berilishi mumkinligini ma’lum qildi. Bu haqda Tasnim axborot agentligiga tayanib Al Jazeera xabar bermoqda.
Agentlik ma’lumotiga ko‘ra, ro‘yxatga kiritilgan obyektlar orasida Google, Microsoft, Palantir, IBM, Nvidia va Oracle kompaniyalariga tegishli ofislar ham bor. Bulut xizmatlari infratuzilmasi Isroilning bir necha shaharlarida va ba’zi Fors ko‘rfazi davlatlarida joylashgan.
Islom inqilobi qo‘riqchilari korpusi Xatam al-Anbiya shtabi vakili hudud aholisi banklardan kamida bir kilometr masofada turishi kerakligini ogohlantirdi.
“Amerikaliklar bizning og‘riqli javob choralarimizni kutishi lozim” — deya qo‘shimcha qildi vakil.
Eron rasmiylari bayonotiga ko‘ra, AQSh va Isroil urush boshlangandan beri mamlakatdagi 10 000 dan ortiq fuqarolik obyektlariga hujum qilingan va 1 300 dan ortiq tinch aholini o‘ldirilgan.
