Toshkentda talabalar va uy egasi o‘rtasida ijara puli sabab janjal yuz berdi
Hozirda holat yuzasidan qonuniy chora ko‘rish masalasi ko‘rib chiqilmoqda hamda hujjatlarni tuman sudiga yuborish rejalashtirilgan.
Toshkent shahrining Sergeli tumanida ijara haqi bo‘yicha kelishmovchilik sabab yuzaga kelgan janjal yuzasidan Toshkent shahar IIBB rasmiy ma’lumot berdi.
Ma’lum qilinishicha, 10-mart kuni Sergeli tumani IIO FMB navbatchilik qismiga Sergeli-7 mavzesidagi ko‘p qavatli uylardan birida ijarada yashab kelayotgan Toshkent davlat yuridik instituti talabalari hamda ular bilan birga yashovchi fuqaro o‘rtasida janjal kelib chiqqani haqida xabar kelib tushgan.
Holat yuzasidan barcha ishtirokchilarning shaxsi aniqlanib, Sergeli tumani ichki ishlar bo‘limida tegishli hujjatlar rasmiylashtirilgan. Shuningdek, janjal ishtirokchilari bilan profilaktik suhbat o‘tkazilib, ular uylariga javob berilgan.
Hozirda to‘plangan materiallar yuzasidan qonuniy chora ko‘rish masalasi ko‘rib chiqilmoqda hamda hujjatlarni tuman sudiga yuborish rejalashtirilgan.
