Mujtabo Xomanaiyning oyog‘i singani va yengil jarohatlar olgani ma’lum bo‘ldi
Eron rasmiysi yangi oliy rahnamoning jarohat olganini tasdiqladi.
Eronning yangi tayinlangan oliy rahbari Mujtabo Xomanaiy yengil jarohat olgan bo‘lsa-da, faoliyatini davom ettirmoqda. Bu haqda chorshanba kuni Eron rasmiysiga tayanib, Reuters xabar bermoqda.
Avvalroq Eron davlat televideniyesi uni Ramazon urushida jarohat olgan faxriy ( jaanbaz), deb ta’riflagan edi. Xomanaiy yakshanba kuni Ekspertlar assambleyasi tomonidan rahbar etib saylanganidan buyon omma oldida chiqish qilmagan.
Shu sababli yangi oliy rahbarning Isroil va AQSh zarbalari vaqtida jarohat olgani haqidagi mish-mishlar tarqalgandi.
CNN manbasi 56 yoshli Xomanaiy oyog‘idan jarohat olganini, chap ko‘zi atrofida ko‘karishlar va yuzida mayda shilinishlar borligini bildirgan.
Eron rasmiysi Mujtabo Xomanaiyning qachon jarohat olgani yoki nima sababdan tayinlanganidan buyon jamoatchilikka murojaat qilmagani haqida batafsil ma’lumot bermadi.
Eron davlat televideniyesi xabariga ko‘ra, 28-fevral kuni berilgan zarbalarda Mujtabo Xomanaiyning otasi Ali Xomanaiydan tashqari uning onasi, singlisi va rafiqasi ham halok bo‘lgan.
