AQSh narxlarni barqarorlashtirish maqsadida Rossiya nefti savdosiga vaqtincha ruxsat berdi

AQSh Moliya vazirligi Rossiya nefti va neft mahsulotlarini sotish bo‘yicha sanksiyalarni vaqtincha yumshatib, bir oy davomida uchinchi mamlakatlarga tankerlarda ushbu mahsulotlarni xarid qilishga ruxsat berdi. Ushbu chora Erondagi mojaro va Hormuz boʻgʻozi blokadasi sharoitida global neft bozorlarini barqarorlashtirishga qaratilgan.

 

Gʻaznachilik kotibi Skott Bessentning ta’kidlashicha, ruxsatnoma qisqa muddatli va tor doirada amal qiladi. Bu chora AQSh-Isroil o‘rtasidagi Eron mojaroining kuchayishi va Hormuz bo‘gʻozining yopilishi bilan yuzaga kelgan global energiya bozoridagi keskin vaziyatni yengillashtirishga mo‘ljallangan.

 

E’lon qilingan litsenziyaga ko‘ra, ruxsatnoma 12-martdan boshlab kemalarga yuklangan neft jo‘natmalari uchun amal qiladi va 11-aprel yarim tungacha davom etadi. Bessent shuningdek, sanksiyalarning vaqtincha bekor qilinishi Rossiya rasmiylariga sezilarli moliyaviy foyda keltirmasligini ta’kidlagan.

 

AQShning e’lonidan so‘ng Osiyoda neft narxi biroz pasaydi. Avvalroq, 5-mart kuni G‘aznachilik departamenti Hindistonga tranzit orqali Rossiya neftini sotib olishga shunga o‘xshash ruxsat bergan edi.

 

Erondagi urush fonida, Qo‘shma Shtatlar kabi 30 dan ortiq davlat strategik zaxiralardan 172 million barrel neft chiqarishini e’lon qilgan. Shu bilan birga, neft narxi avval 120 dollarga ko‘tarilgan bo‘lsa, ruxsatnoma e’lonidan so‘ng yana barrel uchun 100 dollarga yetgan. Dunyo neftining taxminan 20 foizi Hormuz bo‘g‘ozi orqali o'tadi. Islom inqilobi qo‘riqchilari AQSh va Isroil hujumlari to‘xtaguncha ta’minotni to‘sib qo‘yishini ma’lum qilgan.