AQSH Eronning yuqori martabali amaldorlari haqidagi ma’lumotlar uchun 10 mln dollar mukofot va’da qildi
Qo‘shma Shtatlar Eronning muhim 10 nafar amaldori haqida ma’lumot olishni maqsad qilgan.
AQSh Davlat departamentiga qarashli Rewards for Justice Program saytida e’lon qilingan ma’lumotga ko‘ra, AQSH Eronning Islom inqilobi qo‘riqchilari korpusi va uning tarkibiy tuzilmalari rahbarlari haqida ma’lumot izlamoqda. Bu haqda ABC News xabar berdi.
Dastur doirasida 10 nafar amaldor haqida axborot to‘plash maqsad qilingan. Ular orasida Eron oliy rahbari Mujtabo Xomanaiy, Oliy rahbar idorasi shtabi boshlig‘i o‘rinbosari Ali Asqar Hezaji hamda razvedka va xavfsizlik vaziri Ismoil Xatib bor.
Shuningdek, AQSH Mudofaa kengashi kotibi, Islom inqilobi qo‘riqchilari korpusi qo‘mondoni va oliy rahbar maslahatchisi kabi muhim lavozimlarni egallagan, ammo nomi ochiqlanmagan shaxslar haqida ham ma’lumot qidirmoqda.
Ma’lumot bergan shaxslarga 10 million dollargacha mukofot berilishi mumkin.
