Eron AQSh bilan kelishuv tuzishni istamoqda — Tramp
Tramp ayrim OAVlarni harbiy harakatlarni to‘liq yoritmayotganligini tanqid qildi.

Donald Tramp Eron rasmiylari AQSh bilan tinchlik kelishuvi tuzishga tayyor ekanini, biroq taklif etilayotgan shartlar Vashingtonni qoniqtirmayotganini ma’lum qildi. Bu haqda u Truth Social ijtimoiy tarmog‘idagi sahifasida yozib qoldirgan.
AQSh prezidenti o‘z bayonotida ayrim ommaviy axborot vositalarini tanqid qilib, ularning AQSh qurolli kuchlarining Eron qarshi olib borayotgan harbiy harakatlari haqida yetarlicha xabar bermayotganini ta’kidlagan.
“Yolg‘onchi OAV AQSh qurolli kuchlarining Eronga qarshi qanchalik muvaffaqiyatli harakat qilayotganini yoritishni istamayapti. Eron to‘liq tor-mor etilgan va kelishuv tuzishni xohlaydi, biroq men rozi bo‘ladigan darajadagi shartlar bilan emas”, — deb yozgan Tramp.
Eslatib o‘tamiz, 28-fevral kuni AQSh va Isroil Eron hududiga qarshi harbiy operatsiya boshlagan edi. Zarbalar ostida Eronning yirik shaharlari, jumladan, Tehron ham qolgan.







