Eron yuanda savdo qilish sharti bilan Ho‘rmuz bo‘g‘ozidan neft tankerlarini o‘tkazishi mumkin
Jahonda neft savdosi AQSh dollarida amalga oshiriladi. Faqatgina sanksiyalarga uchragan Rossiya nefti savdosida rubl yoki Xitoy yuani ishlatiladi.
Yuqori martabali amaldorning CNN’ ga ma’lum qilishicha, Eron Ho‘rmuz bo‘g‘ozi orqali cheklangan neft tankerlariga o‘tish ruxsatini berishni ko‘rib chiqmoqda, ammo bu uchun neft savdosi Xitoy yuanida qilinishi kerakligini shart qilib qo‘ymoqda.
Eron Ho‘rmuz bo‘g‘ozi orqali neft tankerlarining oqimini boshqarish bo‘yicha yangi rejani ishlab chiqayotgani fonida mazkur qaror qabul qilinishi mumkin.
Jahonda neft savdosi AQSh dollarida amalga oshiriladi. Faqatgina sanksiyalarga uchragan Rossiya nefti savdosida rubl yoki Xitoy yuani ishlatiladi.
Ma’lumotlarga ko‘ra, dunyoning energiya oqimi uchun muhim arteriya hisoblangan Ho‘rmuz bo‘g‘ozi bilan bog‘liq xavotirlar neft narxini 2022 yil iyulidan beri eng yuqori darajaga olib chiqdi (Rossiyaning Ukrainaga bosqini ortidan kuzatilgan yoz fasli).
Shuningdek, Birlashgan Millatlar Tashkiloti juma kuni bo‘g‘oz orqali kemalarning harakati cheklansa, bu urushlar bo‘layotgan bir paytda insonparvarlik harakatlariga katta ta’sir ko‘rsatishidan ogohlantirdi.
BMT Insonparvarlik ishlari bo‘yicha kotibi Tom Fletcher: “Kemalar bo‘g‘oz orqali harakat qilishni to‘xtatganda, oziq-ovqat, dorilar va boshqa mahsulotlarni yetkazib berish qiyinlashadi va qimmatlashadi”, — dedi.
