Jizzaxda MIB orqali ikki oila yarashtirildi
Shu tariqa aliment bilan bog‘liq ijro ishlari ijobiy hal etildi.
Majburiy ijro byurosining Zafarobod va Zomin tuman bo‘limlari tomonidan aholi manfaatlarini himoya qilish hamda ijtimoiy barqarorlikni taʼminlash maqsadida aliment bilan bog‘liq bir qator ijro ishlari amalga oshirilmoqda.
Fuqarolik ishlari bo‘yicha sudlar tomonidan chiqarilgan ijro hujjatlariga asosan qarzdorlardan undiruvchilar foydasiga voyaga yetmagan farzandlarning taʼminoti uchun aliment mablag‘larini undirish belgilangan.
Ijro jarayonida Byuro xodimlari tomonidan qarzdorlar va undiruvchilar bilan suhbatlar o‘tkazilib, ularga huquqiy tushuntirishlar, amaliy ko‘rsatmalar va tavsiyalar berildi. Olib borilgan targ‘ibot va tushuntirish ishlari natijasida ikki oila o‘zaro yarashib, aliment bilan bog‘liq ijro ishlari ijobiy hal etildi hamda belgilangan tartibda ish yurituvidan tamomlandi.
Majburiy ijro byurosi fuqarolarning huquq va qonuniy manfaatlarini himoya qilish, shuningdek oilalar o‘rtasidagi ijtimoiy masalalarni hal etish borasidagi ishlarini izchil davom ettirmoqda.
