Toshkentda yangi san’at maskani: "ARTepa" galareyasi ochildi
Tadbir doirasida taniqli rassom Dilorom Mamedovaning “100 ta noyob asari” nomli ko‘rgazmasi ham tashkil etildi.
So‘nggi yillarda mamlakatimizda san‘at va madaniyat sohasida keng ko‘lamli islohotlar amalga oshirilmoqda. Xususan, Shavkat Mirziyoyev boshchiligida madaniyat va san‘atni rivojlantirishga qaratilgan tashabbuslar natijasida Yangi O‘zbekistonda badiiy uyg‘onishning yangi bosqichi yuzaga kelmoqda. Bu jarayon mahalliy rassomlarning ijodiy salohiyatini yana-da keng namoyon etishiga hamda xalqaro san‘at maydonida faol ishtirok etishiga zamin yaratmoqda.
Yangi ochilgan Astronomiya bog‘i hududida joylashgan “ARTepa” san‘at galereyasining Markaziy Osiyo atrof-muhit va iqlim o‘zgarishini o‘rganish universiteti huzurida ochilish marosimi bo‘lib o‘tdi. Galereya O‘zbekiston Respublikasi Ekologiya va iqlim o‘zgarishi milliy qo‘mitasi tashabbusi bilan barpo etilgan.
Tadbir davomida so‘zga chiqqan Ekologiya va iqlim o‘zgarishi milliy qo‘mitasi raisi Aziz Abduhakimov Yangi O‘zbekistonda san’at va madaniyat sohasida amalga oshirilayotgan keng ko‘lamli islohotlar haqida to‘xtalib o‘tdi.
Uning ta’kidlashicha, prezidentimiz Shavkat Mirziyoyev tashabbuslari bilan Yangi O‘zbekistonda barcha sohalarda yangi davr boshlangan bo‘lib, bu jarayon san’at rivojiga ham katta turtki bermoqda.
“Hurmatli Prezidentimiz tashabbuslari bilan Yangi O‘zbekistonda barcha sohalarda yangi davr boshlandi. Yurtimiz rassomlari yaratilgan imkoniyatlardan ruhlanib, xalqaro maydonlarda o‘z iste’dodini namoyon etishmoqda. Atrof-muhitni asrash sohasiga bo‘lgan alohida e’tibor sabab so‘nggi yillarda O‘zbekistonda ushbu mavzuga bag‘ishlangan qator yirik xalqaro plenerlar tashkil etildi. Xorijiy mamlakatlar haykaltaroshlari ishtirokida xalqaro haykaltaroshlik simpoziumlarini o‘tkazish ham yaxshi an’anaga aylanib ulgurdi”, — dedi u.
Qayd etilishicha, “ARTepa” san’at galereyasi ushbu yo‘nalishdagi navbatdagi yirik loyiha bo‘lib, u madaniy qadriyatlarni saqlash, yaratish, o‘rganish, targ‘ib etish va rivojlantirishga xizmat qiluvchi muhim madaniy maskan hisoblanadi. Galereya faoliyatida atrof-muhitni muhofaza qilish, barqaror rivojlanish g‘oyalarini ilgari surish, ekologik madaniyatni shakllantirish hamda iqlim o‘zgarishi masalalariga bag‘ishlangan ilmiy va madaniy-ma’rifiy tashabbuslarni qo‘llab-quvvatlashga alohida e’tibor qaratiladi.
Qayd etilishicha, “ARTepa” san’at galereyasi ushbu yo‘nalishdagi navbatdagi yirik loyiha bo‘lib, u madaniy qadriyatlarni saqlash, yaratish, o‘rganish, targ‘ib etish va rivojlantirishga xizmat qiluvchi muhim madaniy maskan hisoblanadi. Galereya faoliyatida atrof-muhitni muhofaza qilish, barqaror rivojlanish g‘oyalarini ilgari surish, ekologik madaniyatni shakllantirish hamda iqlim o‘zgarishi masalalariga bag‘ishlangan ilmiy va madaniy-ma’rifiy tashabbuslarni qo‘llab-quvvatlashga alohida e’tibor qaratiladi.
Mazkur galereya nafaqat tasviriy san‘at namunalari namoyish etiladigan maskan, balki ekologiya, tabiat va madaniyat uyg‘unligini targ‘ib qiluvchi ijodiy platforma sifatida ham faoliyat yuritishi kutilmoqda. Bu yerda kelgusida xalqaro ko‘rgazmalar, ijodiy uchrashuvlar, mahorat darslari hamda san‘atga bag‘ishlangan ilmiy-madaniy tadbirlar o‘tkazilishi rejalashtirilgan.
Galereya ochilishi munosabati bilan tashkil etilgan “Dilorom Mamedovaning 100 ta noyob asari” ko‘rgazmasi san‘at ixlosmandlari uchun muhim madaniy voqea bo‘ldi. Ko‘rgazmada rassom tomonidan Green University fondiga beg‘araz tarzda topshirilgan 100 ta noyob asar namoyish etilmoqda.
Ma‘lumotlarga ko‘ra, “Dilorom Mamedovaning 100 ta noyob asari” ko‘rgazmasi ikki oy davomida tashrif buyuruvchilar uchun ochiq bo‘ladi.
