Xorazmda ota farzandlariga 174 mln aliment to‘ladi

Fuqarolik ishlari bo‘yicha Shovot tumanlararo sudining 26.05.2022 yildagi sud buyrug‘iga ko‘ra, qarzdor M.Jdan undiruvchi M.Sh. foydasiga ikki nafar farzandining taʼminoti uchun qarzdorning har oydagi jami daromadining 1/3 qismi miqdorida bolalar voyaga yetgunga qadar aliment undirish belgilangan.

 

Qarzdor M.J. Byuroning Qo‘shko‘pir tumani bo‘limiga kelib ixtiyoriy ravishda farzandlari uchun besh yillik aliment pullarini oldindan to‘lab berishni bildirgan.

 

Davlat ijrochisining “oldindan to‘lanadigan aliment summasini hisob-kitob qilish to‘g‘risida”gi qaroriga ko‘ra, qarzdor M.J.ning muddatidan oldin aliment to‘lovlari 01.01.2026 yildan 31.12.2030 yilgacha bo‘lgan davr uchun jami 174.258.165 so‘mni tashkil qilgan.

 

Sudning 30.01.2026 yil kungi “Ijro hujjatini ijro etish usuli va tartibini o‘zgartirish haqida”gi ajrimi bilan qarzdor M.J.dan undiruvchi M.Sh. foydasiga 01.01.2026 yildan 31.12.2030 yilgacha bo‘lgan davr uchun jami 174.258.165 so‘m undirish belgilangan bo‘lib, davlat ijrochisi tomonidan amalga oshirilgan ijro harakatlari va tomonlar bilan olib borilgan tushuntirish ishlari natijasida qarzdordan 174.258.165 so‘m aliment pullari undirilib, undiruvchining bank plastik kartasiga o‘tkazib berilishi taʼminlangan.