Ahror Burhonov Vashingtonda O‘zbekistonning ilk bosh konsuli bo'ldi
U so‘nggi uch yil davomida O‘zbekiston tashqi ishlar vazirining matbuot kotibi sifatida ishlab kelgan.
Ahror Burhonov AQSHning Vashington shtatida O‘zbekistonning ilk bosh konsuli sifatida diplomatik faoliyatini boshladi. U bu haqda ijtimoiy tarmoqlardagi sahifasi orqali ma’lum qildi.
Abror Burhonov so‘nggi uch yil davomida O‘zbekiston tashqi ishlar vazirining matbuot kotibi sifatida faoliyat yuritgan va yangi diplomatik vazifani boshlayotganini aytgan. Burhonov o‘z murojaatida birgalikda amalga oshirilgan tashabbuslar va loyihalar uchun ustozlari, hamkasblari va barcha sheriklarga minnatdorlik bildirgan.
Yangi lavozimida u Vashington shtatida O‘zbekiston fuqarolari manfaatlarini himoya qilish, iqtisodiy va madaniy hamkorlikni rivojlantirish hamda ikki tomonlama aloqalarni mustahkamlashga qaratilgan diplomatik faoliyat olib boradi.
Vashington shtatida O‘zbekiston bosh konsulligini tashkil etish AQSHning g‘arbiy sohilidagi hududlar bilan hamkorlikni kengaytirish, investitsiya va biznes aloqalarini rivojlantirish hamda o‘zbekistonlik fuqarolarga konsullik xizmatlarini yanada yaqinlashtirishga xizmat qiladi.
