Farg‘onada soliqdan qarzdor korxonalar binolari xatlanmoqda
Xususan, Rishtonda 1,6 mlrd so‘m soliq qarzi uchun bino-inshootlar xatlangan.
Byuroning Rishton tuman bo‘limi tomonidan soliq qarzdorligini undirish yuzasidan navbatdagi majburiy ijro harakatlari amalga oshirildi.
Maʼlum bo‘lishicha, tumanda urug‘chilik faoliyati bilan shug‘ullanib kelgan xo‘jalik yurituvchi subyekt tomonidan davlat byudjeti oldidagi soliq majburiyatlari bajarilmagan. Natijada korxonaning jami 1 mlrd 669 mln 998 ming so‘m soliq qarzdorligi yuzaga kelgan.
Majburiy ijro byurosi Rishton tuman bo‘limi davlat ijrochilari tomonidan qarzdorlikni undirish maqsadida qonunchilikda belgilangan tartibda majburiy ijro harakatlari amalga oshirilib, 2026 yil 14 mart kuni qarzdor korxonaga tegishli bino va inshootlar xatlandi.
Xatlangan mulklar belgilangan tartibda ochiq auksion savdolariga chiqarilishi, undan tushgan pul mablag‘lari esa mavjud soliq qarzdorligini qoplashga yo‘naltirilishi belgilandi.
