Havo hududi qisman yopilishi sabab Toshkentdan Dubayga uchgan reyslar qaytarildi
Avvalroq 14-martdan Toshkent — Dubay — Toshkent yo‘nalishi bo‘yicha qatnovlar tiklanishi ma’lum qilingan edi.
Birlashgan Arab Amirliklari havo hududining qisman yopilishi munosabati bilan Toshkentdan Dubayga uchgan reyslar jo‘nash aeroportiga qaytayotgani aytilmoqda.
Ma’lumotlarga ko‘ra, “Centrum Air” aviakompaniyasining Toshkent – Dubay yo‘nalishi bo‘yicha C6-351 reysi Toshkent xalqaro aeroportiga qaytmoqda.
Shuningdek, “Uzbekistan Airways” aviakompaniyasining Toshkent – Dubay yo‘nalishi bo‘yicha HY-333 reysi ham jo‘nab ketish aeroportiga qaytayotgani ma’lum qilingan.
Centrum Air aviakompaniyasi 14-martdan Toshkent — Dubay — Toshkent yo‘nalishi bo‘yicha qatnovlar tiklanishini ma’lum qilgan edi.
