Netanyaxuning oʻlimini rad etuvchi video sun’iy intellekt yordamida yaratilgan

Eronning Tasnim axborot agentligi xabariga ko‘ra, Isroil Bosh vaziri Binyamin Netanyaxu o‘limi haqidagi mish-mishlar fonida e’lon qilgan video sun’iy intellekt yordamida tayyorlangan bo‘lishi mumkin.

 

Videoda Netanyaxu mamlakatdagi kafelardan birida qahva ichib, turli savollarga javob berayotgani ko‘rinadi. Shu bilan birga, internet foydalanuvchilari videoda bir nechta shubhali tafsilotlar mavjudligini ta’kidlashmoqda.

 

Masalan, Netanyaxu qahvani ichayotgandek ko‘rinayotgan paytda ham qahva idishidagi suyuqlik harakat qilmaydi va miqdori kamaymaydi.

 

Videodagi Bosh vazirning yuz ko‘rinishi uning haqiqiy suratlaridan farq qiladi.

 

Kadrlar va tafsilotlar ayrim foydalanuvchilar tomonidan sun’iy intellekt orqali yaratilganiga shubha uyg‘otadi.

 

So‘nggi kunlarda Eronning raketa hujumlari fonida Netanyaxuning halok bo‘lgan yoki jarohat olganligi haqidagi mish-mishlar ijtimoiy tarmoqlar va ayrim ommaviy axborot vositalarida keng muhokama qilinmoqda. Shu sababli Netanyaxu o‘zi yangi video orqali tirikligini ko‘rsatib, mish-mishlarni rad etdi.

 

Shuningdek, ayrim sun’iy intellektni aniqlash ilovalari Netanyaxu joylashtirgan videoning 96,9 foiz sun’iy intellekt tomonidan yaratilganini va haqiqiy emasligini da’vo qilmoqda. Videodagi boshqa tafsilotlar, masalan, kafedagi kassa apparati ekrani va undagi sana (2024-yil 15-mart), foydalanuvchilar orasida qo‘shimcha munozaralarga sabab bo‘lgan.