O‘zbekistonning 9 viloyatida sel xavfi e'lon qilindi

Oʻzgidromet xabariga koʻra, 18–19 mart kunlari Oʻzbekistonning togʻoldi va togʻli hududlarida sel oqimi va suv toshqinlari kutilmoqda. Shu munosabat bilan aholi, dam oluvchilar va togʻli hududlarda harakatlanayotgan haydovchilarga ehtiyot choralarini koʻrish tavsiya etiladi.

 

Toshqinlar quyidagi hududlarda yuzaga kelishi mumkin:

 

Qashqadaryo viloyati: Yakkabogʻ, Dehqonobod, Chiroqchi, Kitob, Shahrisabz, Qamashi, Gʻuzor tumanlari.

 

Surxondaryo viloyati: Sariosiyo, Uzun, Oltinsoy, Denov, Boysun, Sherobod, Shoʻrchi, Qumqoʻrgʻon, Muzrobot tumanlari.

 

Samarqand viloyati: Urgut, Samarqand, Bulungʻur, Nurobod, Qoʻshrabot, Kattaqoʻrgʻon, Payariq, Jomboy, Ishtixon tumanlari.

 

Navoiy viloyati: Xatirchi, Navbahor, Nurota, Konimex, Karmana tumanlari.

 

Jizzax viloyati: Zomin, Baxmal, Gʻallaorol, Sharof Rashidov, Forish, Yangiobod tumanlari.

 

Toshkent viloyati: Ohangaron, Boʻstonliq, Parkent, Piskent, Oʻrtachirchiq, Yuqorichirchiq tumanlari; Angren va Olmaliq shaharlar.

 

Namangan viloyati: Pop, Kosonsoy, Chortoq, Chust, Namangan, Yangiqoʻrgʻon tumanlari.

 

Fargʻona viloyati: Soʻx, Shohimardon, Fargʻona, Beshariq tumanlari.

 

Andijon viloyati: Andijon, Asaka, Jalaquduq, Qoʻrgʻontepa, Paxtaobod, Izboskan, Xoʻjaobod, Marhamat tumanlari va Xonabod shahri.

 

Togʻ oldi va togʻli hududlarda istiqomat qiluvchi fuqarolar, dam oluvchilar hamda haydovchilardan ehtiyotkorlik choralarini koʻrish soʻraldi.

 

Respublikaning ayrim hududlarida yomg‘ir suvlari to‘planishi ehtimoli bor, bu esa hududlarni suv bosishiga olib kelishi mumkin.