Tramp Minobdagi maktab hujumi bo‘yicha AQSh javobgarligini rad etdi
Vashington hujum sabablarini aniqlash uchun tergov olib bormoqda.
AQSh prezidenti Donald Tramp Eronning Minob shahridagi qizlar maktabiga qilingan hujum uchun Amerika Qo‘shma Shtatlarining javobgarligini rad etdi va Vashington hujum holatlarini tekshirishda davom etayotganini ma’lum qildi. Bu haqda TASS xabar berdi.
Prezident Florida shtatining Vest-Palm-Bich shahridan AQSh poytaxtiga yo‘l olgan samolyotida jurnalistlar bilan suhbatda, "Biz bilmaymiz. Bu tergov ostida", dedi Minabdagi maktabga qilingan hujum uchun AQShning mas'uliyatini tan olishga tayyormi yoki yo'qmi degan savolga javob berar ekan.
Vitse-prezident J.D. Vens ham 13-mart kuni hujumning sabablarini aniqlash ishlarining davom etayotganini ta’kidlagan.
Eslatib o‘tamiz, 28-fevral kuni Eron rasmiylari Minobdagi boshlang‘ich qizlar maktabiga havo hujumi uyushtirilganini e’lon qilgan, yakuniy ma’lumotlarga ko‘ra 175 kishi halok bo‘lgan, 95 kishi jarohat olgan. Keyinchalik AQSh prezidenti hujum uchun Eron harbiylarini ayblagan, ammo raketa qoldiqlarida AQSh o‘q-dorilarining izlari aniqlangan. Mutaxassislar esa voqea sabablarini aniqlashda davom etmoqda.
