Eron Oliy rahbari AQShning muzokara taklifini rad etdi — Reuters
Sulh taklifi Eronga ikki vositachi davlat orqali yetkazilgan.
Reuters agentligi xabariga ko‘ra, Mujtaba Xomanaiy AQSh tomonidan mojaroni yumshatish yoki sulhga erishish bo‘yicha berilgan takliflarni rad etgan.
Manbaga ko‘ra, Eronga ushbu taklif ikki vositachi davlat orqali yetkazilgan. Ismi oshkor etilmagan eronlik rasmiy vakilning ta’kidlashicha, taklif AQSh bilan keskinlikni kamaytirish yoki muzokaralarni boshlash imkoniyatini o‘z ichiga olgan.
Agentlik ma’lumotiga ko‘ra, tashqi siyosatga bag‘ishlangan ilk uchrashuvlardan birida Mujtabo Xomanaiyning AQSh va Isroilga nisbatan pozitsiyasi “juda qat’iy va jiddiy” ekani ta’kidlangan.
Shu bilan birga, uchrashuvda Xomanaiy shaxsan ishtirok etgan yoki etmagani aniq emas.
Reuters qayd etishicha, vositachilar orqali yetkazilgan taklif Eron va AQSh o‘rtasidagi keskinlikni pasaytirish hamda ehtimoliy kelishuv imkoniyatlarini muhokama qilishga qaratilgan edi.
