Samarqandda bolacha hojatxonaga tushib ketdi
FVV qutqaruvchilari bolakayning hayotini saqlab qoldi.
17-mart kuni soat 16:53 da Samarqand viloyati FVBga “112” yagona dispetcherlik xizmati orqali Samarqand tumani “Ravonak” MFYda joylashgan xonadonlardan birida bolakay hojatxonaga tushib ketgani haqida xabar kelib tushgan.
Xabarga ko‘ra, qarovsiz qolgan bola tasodifan hojatxonaga tushib ketgan.
Voqea joyiga zudlik bilan yetib borgan Favqulodda vaziyatlar vazirligi qutqaruvchilari tezkor qutqaruv ishlarini amalga oshirib, bolakayni hojatxonadan olib chiqqa va uning hayotini saqlab qolingan.
Ma’lum qilinishicha, hodisa oqibatida bolaning ahvoli yaxshi bo‘lib, unga zarur yordam ko‘rsatilgan.
