Kuba AQSH bilan urushga tayyor — Kuba Prezidenti
Migel Dias-Kanel AQShning orol ustidan nazorat o‘rnatishga urinishiga “qat’iy qarshilik” ko‘rsatishga va’da berdi.
Kuba prezidenti Migel Dias-Kanel AQShning mamlakat ustidan nazorat o‘rnatish ehtimoliga keskin munosabat bildirib, har qanday tashqi agressiyaga qarshi “qat’iy qarshilik” ko‘rsatilishini ma’lum qildi.
Dias-Kanelning ta’kidlashicha, AQSh deyarli har kuni Kubaga nisbatan konstitutsion tuzumni zo‘ravonlik bilan ag‘darish bo‘yicha tahdidlar qilmoqda. Vashington mamlakatni, uning resurslari, mulki va iqtisodiyotini o‘z nazoratiga olish niyatini ochiq bildirmoqda.
Kuba yetakchisi bu holatni “butun xalqqa qarshi qaratilgan qattiq iqtisodiy urush” sifatida baholadi.
"Eng yomon ssenariy oldida Kubada bitta yo‘l bor: har qanday tashqi tajovuzkor yengib bo‘lmas qarshilikka duch keladi", — deya ta’kidladi u.
