Maktablarda bahorgi ta’til 20-martdan boshlanadi
4-chorak darslari 30-martdan boshlanishi belgilandi.
Maktabgacha va maktab taʼlimi vazirligi xabariga ko‘ra, Ramazon hayiti munosabati bilan umumta’lim maktablarida bahorgi ta’til 20-mart kunidan boshlanadi.
Ma’lum qilinishicha, o‘quvchilarning bahorgi ta’tili 20-martdan 28-martga qadar davom etadi. Ta’til yakunlangach, 2025–2026 o‘quv yilining 4-choragi 30-mart, dushanba kunidan boshlanadi.
Shuningdek, joriy o‘quv yilining 20-mart (juma) va 28-mart (shanba) kunlariga to‘g‘ri kelgan o‘quv mashg‘ulotlari 4-chorak davomida o‘quv dasturlariga tig‘izlashtirilgan holda o‘qitilishi rejalashtirilgan.
