O‘zbekiston 19-martdan BAAga aviaqatnovlarni qayta tiklaydi
Bekor qilingan chiptalar bepul qayta rasmiylashtiriladi.
Uzbekistan Airways ma’lum qilishicha, 19-martdan boshlab O‘zbekiston va Birlashgan Arab Amirliklari oʻrtasidagi aviaqatnovlar qayta tiklanadi.
Muntazam Toshkent–Dubay–Toshkent yo‘nalishidagi parvozlar BAA aviatsiya maʼmuriyati bildirishnomasiga muvofiq amalga oshiriladi.
Avval bekor qilingan reyslar yo‘lovchilari o‘z aviachiptalarini aviakompaniyaning istalgan keyingi reyslariga bepul qayta rasmiylashtirishlari mumkin.
Parvozlar jadvali quyidagicha:
HY333: Toshkentdan 07:15 da jo‘nab, Dubayga 11:00 da qo‘nadi.
HY334: Dubaydan 12:30 da jo‘nab, Toshkentga 17:30 da qo‘nadi.
Aviachiptalarni kompaniya rasmiy sayti, mobil ilovasi, Uzbekistan Airways Sales filiallari va agentliklar orqali xarid qilish mumkin. Parvozlar mintaqadagi vaziyat, xavfsizlik talab va xalqaro standartlarga mos tarzda amalga oshiriladi.
Eslatib o‘tamiz, 10-martdan O‘zbekiston–Saudiya Arabistoni va O‘zbekiston–BAA yo‘nalishlarida yo‘lovchi reyslariga qo‘yilgan cheklovlar bekor qilingandi.
