O‘zbekistonda 20-mart Hayit bayrami kuni deb e’lon qilindi
O‘zbekistonliklar Ramazon hayiti va Navro‘z bayrami munosabati bilan 4 kun dam oladi.
O‘zbekistonda Ramazon hayiti va Navro‘z bayrami munosabati bilan dam olish kunlarni e’lon qilindi. Bu haqda Adliya vazirligining “Huquqiy axborot” Telegram-kanalida ma’lum qilindi.
Fuqarolar bayramlar munosabati bilan quyidagi kunlarda dam oladi:
— 20-mart (juma) – Ramazon hayiti kuni – barcha uchun dam olish kuni;
— 21-mart (shanba) – Navro‘z bayrami kuni – barcha uchun dam olish kuni;
— 22-mart (yakshanba) – dam olish kuni;
— 23-mart (dushanba) - 5 kunlik ish haftasidagi xodimlar uchun dam olish kuni (ishlanmaydigan bayram kuni dam olish kuniga to‘g‘ri kelganligi sababli, bayramdan keyingi ish kuniga ko‘chirilgan dam olish kuni) 6 kunlik ish haftasidagi xodimlar uchun ish kuni.
