Tailandda sodir bo‘lgan YTH oqibatida Oʻzbekiston fuqarosi halok bo‘ldi
Yana 4 nafar o‘zbekistonlik tan jarohatlari olgan.
Tailandning Phuket orolida sayyohlik mikroavtobusi ishtirokida yo‘l-transport hodisasi sodir bo‘ldi. Bu haqda TASS axborot agentligi ma’lum qildi.
Dastlabki ma’lumotlarga ko‘ra, sayyohlar Similan orollari tomon yo‘l olgan mikroavtobus haydovchisi boshqaruvni yo‘qotib, elektr ustuniga urilib ketgan. Transport vositasida jami 12 nafar yo‘lovchi bo‘lgan.
Hodisa oqibatida bir nafar O‘zbekiston fuqarosi voqea joyida halok bo‘lgan. Yana to‘rt nafar o‘zbekistonlik turli darajadagi tan jarohatlari olib, mahalliy shifoxonaga yotqizilgan.
Shuningdek, avariya natijasida sakkiz nafar Rossiya fuqarosi ham jarohat olgan. Ulardan ikki nafari og‘ir ahvolda ekani aytilmoqda.
Mikroavtobus haydovchisining ma’lum qilishicha, hodisa oldinda harakatlanayotgan yuk mashinasi to‘satdan tormoz bergani sabab yuz bergan. Hozirda holat yuzasidan tergov harakatlari olib borilmoqda va voqeaning aniq sabablari o‘rganilmoqda.
