“Afrosiyob” poyezdlari Toshkent–Shahrisabz yo‘nalishida qatnay boshlaydi
27-martdan boshlab tezyurar poyezd haftaning juma, shanba va yakshanba kunlari Toshkent–Shahrisabz–Toshkent yo‘nalishida harakatlanadi.
O‘zbekistonda yuqori tezlikda harakatlanuvchi “Afrosiyob” elektropoyezdlari yangi yo‘nalishda qatnovlarni yo‘lga qo‘yadi. Bu haqda Transport vazirligi xabar berdi.
Ma’lum qilinishicha, 2026-yil 27-martdan boshlab poyezdlar haftaning juma, shanba va yakshanba kunlari Toshkent–Shahrisabz–Toshkent yo‘nalishida harakatlanadi.
Mazkur qatnovlar yo‘lovchilar uchun qulaylik yaratish hamda hududlar o‘rtasidagi transport aloqalarini yaxshilash maqsadida tashkil etilmoqda.
Jadvalga ko‘ra, poyezd Toshkentdan soat 06:33 da yo‘lga chiqadi, Shahrisabzdan esa 16:24 da ortga qaytadi.
Chiptalarni temiryo‘l kassalari hamda onlayn platformalar orqali xarid qilish mumkin.
