Bugun barcha xodimlar ishdan bir soat erta ketishi mumkin
Bayram arafasida uzluksiz ishlaydigan yoki maxsus ish turlarida ortiqcha ishlagan xodimlarga qo‘shimcha ish haqi yoki dam olish belgilanadi.
Mehnat kodeksining 187-moddasiga binoan, bayram kunlari arafasida ish smenasi barcha xodimlar uchun kamida 1 soatga qisqartiriladi.
Shunga ko‘ra, 20-mart — Ramazon hayiti dam olish kuni sifatida belgilangan. Demak, 19-mart kuni barcha xodimlar qonuniy ravishda ish vaqtini 1 soatga qisqartirib, uylariga vaqtliroq ketish huquqiga ega.
Eslatib o‘tamiz, bayramdan oldingi kuni ish smenasi qisqartirilishi mumkin bo‘lmagan uzluksiz ishlaydigan tashkilotlar va ayrim turdagi ishlar uchun ortiqcha ishlaganlik kompensatsiyasi xodimga qo‘shimcha dam olish vaqti berish yoki xodimning roziligi bilan ish vaqtidan tashqari ish uchun belgilangan mehnat haqi orqali ta’minlanadi.
