Ellikqalʼada Soliq qarzi sabab “ISUZU” sotilib ketdi
Maʼlum bo‘lishicha, qarzdor MCHJning soliqdan 1 mlrd qarzi bo‘lgan.
Majburiy ijro byurosi Ellikqalʼa tuman bo‘limi ish yurituvida qarzdor "BOSTON MEGA TEKSTIL" MCHJdan jami 1 mlrd so‘mdan ortiq soliq qarzdorligini undirish haqidagi Qoraqalpog‘iston Respublikasi Soliq boshqarmasining qarori mavjud.
Bo‘lim davlat ijrochisi tomonidan qarzdorga ushbu qaror ijrosini taʼminlash uchun 15 kunlik ixtiyoriy muddat berilib, sud qarorining ijrosini taʼminlamaslik oqibatlari tushuntirilgan.
Shunga qaramasdan, qarzdor tomonidan ijro hujjati talabi ixtiyoriy ravishda bajarilmaganligi sababli, qarzdorning bank hisob raqamiga inkasso qo‘yilgan va unga tegishli 1 ta ko‘chmas mulk va “ISUZU” rusumli avtomashina tegishli tartibda xatlovga olinib, ularni sotishga qaratilgan ishlar olib borilgan.
Joriy yilning o‘tkazilgan auksion savdolarida “ISUZU” rusumli avtomashinasi 120 mln so‘mga sotilib, sotuvdan tushgan pul mablag‘lari qarzdorning davlat byudjeti oldidagi qarzdorligini qoplashga yo‘naltirildi.
