Shavkat Mirziyoyev birinchi Prezident Islom Karimov maqbarasini ziyorat qildi
Prezident Hazrati Hizr majmuasida bo‘ldi.
Shavkat Mirziyoyev Samarqandga tashrifi davomida O‘zbekistonning birinchi prezidenti Islom Karimov maqbarasini ziyorat qildi.
Prezident matbuot xizmatining ma’lum qilishicha, davlat rahbari viloyat hokimi Adiz Boboyev va O‘zbekiston musulmonlari idorasi raisi, muftiy Shayx Nuriddin Xoliqnazar hamkorligida Hazrati Hizr majmuasida bo‘ldi. Qur’on oyatlari tilovat etilib, duo o‘qildi.
“Bugungi ayyom kunlarida ulug‘ ajdodlarimiz va bu dunyodan o‘tgan yaqinlarimizni yod etish, ularning ezgu ishlarini eslash xayrli amallardan ekani ta’kidlandi”, deyiladi xabarda.
