Shavkat Mirziyoyev Imom Buxoriy majmuasiga tashrif buyurdi
Prezident barchani majmuaning qayta qurib bitkazilgani bilan tabrikladi.
Prezident Shavkat Mirziyoyev 19-mart kuni Samarqand viloyati Payariq tumanida qaytadan bunyod etilgan Imom Buxoriy majmuasiga tashrif buyurdi.
Ziyoratgohning qoq markazida buyuk hadisshunos Imom Buxoriyning maqbarasi o‘rin olgan bo‘lib, davlati rahbari maqbarani ziyorat qildi. Qur’on tilovat etilib, duo o‘qildi.
“Muqaddas zaminimiz dunyoga mana shunday mashhur allomani bergani bilan har qancha faxrlansak, arziydi. El-yurtimizning fidokorona mehnati bilan bugun orzu-niyatlarimiz ro‘yobga chiqdi. Bu betakror ziyoratgohni Imom Buxoriy bobomizning olamshumul mavqeiga, yuksak maqomiga munosib darajada bunyod etishga muyassar bo‘ldik. Mana shunday tabarruk maskan barchamizga muborak bo‘lsin,” – dedi Prezident.
