Barchangizga tinchlik, xayr-u baraka va farovon hayot tilayman — Saida Mirziyoyeva
Prezident administratsiyasi rahbari o‘zbekistonliklarni Navro‘z bilan tabrikladi.
Saida Mirziyoyeva O‘zbekiston xalqini Navro‘z bayrami munosabati bilan tabrikladi.
Tabrikda Navro‘z avloddan avlodga o‘tib kelayotgan, insonlar qalbiga nur, shodlik va yangilanish ruhini olib kiradigan qutlug‘ ayyom ekani ta’kidlangan.
Shuningdek, ushbu bayram an’analarga hurmat, ona zaminga mehr, tinchlik, hamjihatlik va yaxshi qo‘shnichilik kabi azaliy qadriyatlarni o‘zida mujassam etishi qayd etilgan.
“Bahor xonadoningizga baxt-saodat, to‘kinlik va ijobiy o‘zgarishlar olib kelsin. Yaqinlaringiz doimo yoningizda bo‘lsin, qalbingiz umid, shukronalik va mehr-muhabbatga to‘lsin”, deyiladi tabrikda.
Tabrik yakunida Saida Mirziyoyeva barchaga tinchlik, xayr-u baraka va farovon hayot va bayram barchaga quvonch va xotirjamlik olib kelishini tilagan.
