Ikki oyda 1 milliondan ortiq o‘zbekistonlik turist sifatida xorijga safar qilgan

2026 yilning yanvar–fevral oylarida 1 081 612 nafar o‘zbekistonlik fuqarolar turistik maqsadlarda chet elga safar qilgan. Bu haqda Milliy statistika qo‘mitasi ma’lumot berdi.

 

Taqqoslash uchun aytganda, o‘tgan yilning mos davri bilan solishtirilganda bu ko‘rsatkich 49,3 ming nafarga oshgan.

 

2026 yilning dastlabki ikki oyida o‘zbekistonliklar eng ko‘p tashrif buyurgan davlatlar quyidagilar bo‘ldi:

 

• Qirg‘iz Respublikasi — 426 421 nafar;

 

• Tojikiston — 179 390 nafar;

 

• Qozog‘iston — 166 017 nafar;

 

• Saudiya Arabistoni — 115 350 nafar;

 

• Rossiya — 62 054 nafar;

 

• Turkiya — 34 634 nafar;

 

• BAA — 26 449 nafar;

 

• Tailand — 10 946 nafar;

 

• Xitoy — 8 890 nafar;

 

• Misr — 8 872 nafar;

 

Markaziy Osiyo va yaqin chet el davlatlari O‘zbekiston fuqarolari uchun eng yaxshi sayohat manzillari bo‘lib qolmoqda.