Istanbulda portlash oqibatida ikki bino qulab tushdi
Dastlabki ma’lumotlarga ko‘ra, hodisaga gaz portlashi sabab bo‘lgan.
Istanbul shahrining markaziy Fotih tumani hududida ikkita turar-joy binosi qulab tushdi. Bu haqda AHaber telekanali xabar berdi.
Ma’lumotlarga ko‘ra, binolar bir-biriga juda yaqin qurilgan bo‘lib, ulardan birida sodir bo‘lgan portlash “domino effekti”ni yuzaga keltirgan. Natijada qo‘shni bino ham qulab tushgan.
Ma’lum qilinishicha, hodisa tabiiy gaz portlashi oqibatida yuz bergan bo‘lishi mumkin. Uning so‘zlariga ko‘ra, hodisa vaqtida kamida to‘qqiz kishi vayronalar ostida qolgan. Yetti kishi kasalxonaga yotqizilgan, yana bir kishiga voqea joyida tibbiy yordam ko‘rsatilgan.
Hodisa joyida qutqaruv operatsiyasi boshlangan. Biroq tor ko‘chalar va hududning juda zich qurilgani qutqaruv texnikalarining kirib borishini qiyinlashtirmoqda. Shunga qaramay, qidiruv-qutqaruv ishlari davom etmoqda va vayronalar ostida qolganlarni topish uchun barcha kuchlar safarbar etilgan.
