Toshkent viloyatida Nexia-2 avtomobili yonib ketdi
Hodisa oqibatida jabrlanganlar yo'q.
Toshkent viloyati Favqulodda vaziyatlar boshqarmasi matbuot xizmati ma’lum qilishicha, 21-mart kuni soat 11:48 da Bo‘stonliq tumani O‘zgarish ko‘chasida harakatlanayotgan Nexia-2 rusumli avtomobilda yong‘in sodir bo‘lgan.
Xabar kelib tushgach, qutqaruv guruhlari voqea joyiga 5 daqiqa ichida yetib borgan. Yong‘in 11:56 da to‘liq bartaraf etilgan.
Rasmiy ma’lumotlarga ko‘ra, hodisa oqibatida hech kim jabrlanmagan.
Hozirda mutaxassislar tomonidan yong‘inning kelib chiqish sabablari aniqlanmoqda, shuningdek yetkazilgan moddiy zarar miqdori o‘rganilmoqda.
