AQSh va Isroil Eronning yadroviy obyektlariga berilgan zarbalar uchun tovon to‘lashi kerak — Eron TIV rahbari
Abbos Aroqchi AQSH-Isroil hujumlari xalqaro huquqning majburiy normalarini buzganini ta’kidlamoqda.
Eron Tashqi ishlar vaziri Abbos Aroqchi Birlashgan Millatlar Tashkilotini AQSh va Isroilni mamlakat yadroviy obyektlariga qilgan hujumlari uchun to‘liq kompensatsiya to‘lashga majbur qilishga chaqirdi. Bu haqda Mehr agentligi xabar berdi.
Qayd etilishicha, vazir yakshanba kuni BMT Bosh kotibi va Xavfsizlik Kengashi a’zolariga yo‘llagan maktubida Natanzdagi va Bushehr yadroviy obyektlariga qilingan hujumlarni urush jinoyati va xalqaro tinchlikka qarshi tajovuz deb atagan hamda Eronning yetkazilgan zarar uchun to‘liq qoplanishini talab qilgan.
Aroqchi AQSH-Isroil hujumlari BMT nizomi, Xalqaro atom energetiyasi agentligi nizomi va xalqaro huquqning majburiy normalarini buzganini ta’kidlamoqda. Vazir shuningdek, Isroilni Yadro qurollarini tarqatmaslik shartnomasiga qo‘shilishiga va ommaviy vayron qiluvchi qurollarni taqiqlovchi xalqaro shartnomalarga rioya qilishga chaqirdi.
Xabarga ko‘ra, maktub Eron yadroviy obyektlarining bir qismi hujumga uchragani e’lon qilingan kundan keyin yuborilgan. Eron bir necha marta AQSh va Isroilning yadroviy obyektlariga qilgan hujumlarini qoralab, ularning Tehronning yadroviy qurollar ishlab chiqarishga urinishlariga qarshi ekanligini ta’kidlagan.
Mehr agentligi ko‘plab BMT hisobotlari esa Eronning yadroviy faoliyati tinch maqsadga yo‘naltirilganligini va xalqaro me’yor va standartlarga mosligini tasdiqlayotganini yozmoqda.
