"Eron bilan Yaqin Sharqda urushni to‘xtatish bo‘yicha muzokara o‘tkazildi" — Donald Tramp
Tramp mazkur muzokaralar haqida ma’lumot berganidan so‘ng neft va gaz narxlarida o‘zgarish yuz berdi.
AQSh prezidenti Donald Tramp AQSh va Eron Yaqin Sharqda to‘liq va umumiy nizolarni hal etish bo‘yicha muzokaralar o‘tkazganini ma’lum qildi.
"Mudofaa vazirligiga Eron elektr stansiyalari va energetika infratuzilmasiga har qanday harbiy zarbalarni besh kunga kechiktirishni buyurdim," — deb yozgan Tramp.
Uning so‘zlariga ko‘ra, bu qaror AQSH va Eron rahbariyati o‘rtasidagi muzokaralar natijasida qabul qilingan.
Shanba kechasi Trump Eronga Hormuz bo‘g‘ozini 48 soat ichida ochishni talab qilgan, aks holda AQSh quvvat stansiyalarini “birinchi navbatda eng kattasidan boshlab yo‘q qilishi”ni bildirgan edi.
Avvalroq, Buyuk Britaniya bosh vaziri Kir Starmer va AQSh prezidenti Donald Tramp yakshanba kuni kechqurun bo‘lib o‘tgan telefon qo‘ng‘irog‘ida Hormuz bo‘g‘ozini ochish global yuk tashishni tiklash uchun “zarur” ekanini ta’kidlagan. Qo‘ng‘iroq 20 daqiqa davom etib, “konstruktiv” bo‘lgan, deya ma’lum qilgan Dauning-strit.
BBC xabariga ko‘ra, Tramp mazkur muzokaralar haqida ma’lumot berganidan so‘ng neft va gaz narxlarida o‘zgarish yuz berdi.
Brent nefti barreliga taxminan 13 foizga tushib, 96 dollarga yetdi. FTSE 100 indeksi oldin 2 foizga pasaygan bo‘lsa, hozir 0,5 foizga o‘sdi.
Shuningdek, gaz narxi 159 pensdan 139 pensga tushdi. 10 yillik Buyuk Britaniya davlat obligatsiyalari daromadi oldin 5,121 foizga ko‘tarilgan bo‘lsa, hozir 4,89 foizga tushdi.
