“Qamchiq” dovonida yuk mashinasi ag‘darilib ketdi
Hodisa natijasida avtomobilga ortilgan barcha yuk yo‘lning qatnov qismiga sochilib ketgan.
Toshkent viloyati, 22-mart kuni taxminan soat 11:30 larda “Qamchiq” dovonida yuk mashinasi haydovchisi boshqaruvni yo‘qotishi oqibatida mashina yon tomonga ag‘darilgan. Bu haqda FVV xabar berdi.
Ma’lum qilinishicha, hodisa natijasida hech kim jarohat olmagan, ammo avtomobilga ortilgan barcha yuk yo‘lning qatnov qismiga sochilib ketgan.
Favqulodda vaziyatlar vazirligi (FVV)ning “Qamchiq” maxsus qidiruv boshqarmasi qutqaruvchilari tezkorlik bilan yetib kelib, hodisa oqibatlarini bartaraf etgan.
Xabarga ko‘ra, bundan bir kun oldin ham ayni hududda “Spark” rusumli avtomobil yo‘ldan chiqib, yo‘lning xandaq (kyuvet) qismiga tushib ketgan, va bu holatda ham haydovchiga qutqaruv bo‘linmalari xodimlari yordam ko‘rsatgan.
