Buxoroda ona o‘g‘lining aliment qarzini to‘lab berdi
Ma’lum bo‘lishicha, erkakning 2 ta ijro hujjati bo‘yicha 20 mln qarzi bo‘lgan.
Buxoro viloyatining G‘ijduvon tumanida ona o‘g‘lining aliment qarzini to‘lab berdi. Bu haqda MIB axborot xizmati Zamon.uz'ga ma’lum qildi.
Qayd etilishicha, hali yosh bo‘lishiga qaramasdan, ikki marotaba uylanib, oilasidan ajrashishga ulgurgan qarzdor otadan voyaga yetmagan farzandlari moddiy ta’minoti uchun aliment undirish belgilangan.
Qarzdor ogohlantirilgan bo‘lishiga qaramasdan, aliment to‘lovini paysalga solib kelgan va natijada har ikkala ijro hujjatlari bo‘yicha 20 mln so‘mlik qarzdorlik yuzaga kelgan.
Ijro harakatlari davomida qarzdor nomida bo‘lgan avtomashinaga qidiruv e’lon qilingan. Avtomashina topilib, jarima maydonchasiga joylashtirilgandan so‘ng qarzdorning onasi o‘g‘lining 20 mln so‘mlik aliment qarzdorligini to‘lab berishga majbur bo‘lgan.
