Eronga qarshi urush Iroqdan ham kattaroq strategik xato — AQShning NATO'dagi sobiq elchisi
Sobiq amaldor Vashingtonning eng muhim ittifoqchilaridan ba’zilari zaiflashganini bildirdi.
Vashingtonning NATOdagi sobiq elchisi Eronni nishonga olish AQSh uchun Iroq urushidan ham yomonroq strategik “xato” bo‘lib, uning oqibatlari uzoq muddat davom etishini bildirdi.
Barak Obamaning prezidentlik davrida xizmat qilgan elchi Ivo Daalderning aytishicha, hozirda Yaqin Sharqda davom etayotgan harbiy harakatlar allaqachon global iqtisodiyotga ta’sir qilgan, Vashingtonning eng muhim ittifoqchilaridan ba’zilari zaiflashgan va Rossiya hamda Xitoyning uzoq muddatli imkoniyatlari oshgan.
“Bularning barchasi faqat uch hafta ichida yuz berdi”, — deya qo‘shimcha qilgan sobiq elchi.
Boshqa bir sobiq yuqori martabali AQSh generali esa Tehron Ho‘rmuz bo‘g‘ozi ustidan nazoratni kuchaytirayotgani sababli Tramp ma’muriyatining kampaniyasi qiyinchilikka duch kelishini ma’lum qildi.
