O‘zbekistonda oltin quymalar narxi keskin pasaydi
24-mart holatiga ko‘ra, bir gramm oltin narxi 1 801 200 so‘mni tashkil etdi.
Jahon bozorida oltin narxining arzonlashishi fonida O‘zbekistonda ham oltin quymalar qiymati pasaydi. Bu haqda O‘zbekiston Markaziy banki ma’lum qildi.
24-mart holatiga ko‘ra, bir gramm oltin narxi 1 801 200 so‘mni tashkil etdi. Shuningdek, 5 grammli oltin quyma narxi 9 million so‘m atrofiga tushgan.
Markaziy bank tomonidan belgilangan yangi narxlar quyidagicha:
• 5 gramm — 9 mln 6 ming so‘m;
• 10 gramm — 18 mln 13 ming so‘m;
• 20 gramm — 36 mln 25 ming so‘m;
• 50 gramm — 90 mln 63 ming so‘m;
• 100 gramm — 180 mln 126 ming so‘m;
Shu bilan birga, oltin quymalarni qayta sotib olish narxlari ularning qadog‘i butligi yoki texnik talablarga mosligiga qarab belgilanadi.
Ma’lumot uchun, 26-yanvar kuni 5 grammli oltin quyma narxi ilk bor 10 million so‘mdan oshgan edi. 29-yanvar kuni esa u ketma-ket sakkizinchi bor rekord o‘rnatib, 10,8 million so‘mdan yuqori ko‘tarilgan. Keyinchalik narxlar pasayishni boshlagan.
Jahon bozorida ham oltin arzonlashmoqda. 23-mart kuni COMEX birjasida oltin fyucherslari narxi 2025-yil 9-dekabrdan beri ilk bor bir unsiyasi uchun 4,2 ming dollardan pastladi. 24-mart holatiga ko‘ra, ushbu ko‘rsatkich 4,3 ming dollar atrofida bo‘lgan.
