“Sirdaryo” chegara bojxona posti orqali Qozog‘istonga o‘tish qayta tiklandi
O‘zbekiston–Qozog‘iston davlat chegarasidagi “Atameken” chegara bojxona postida qurilish ishlari yakunlandi.
Sirdaryo viloyatidagi “Sirdaryo” chegara bojxona posti orqali yengil avtomobillar va fuqarolar harakati tiklandi. Bu haqda Bojxona qo‘mitasi xabar berdi.
Ma’lum qilinishicha, O‘zbekiston–Qozog‘iston davlat chegarasidagi “Atameken” chegara bojxona postida qurilish ishlari yakunlangani munosabati bilan mazkur chegara postidan o‘tishga ruxsat berildi.
Endilikda chegara orqali o‘tish jarayonlari soddalashtirilib, fuqarolar uchun qulay va tezkor harakatlanish imkoniyati yaratildi.
Shuningdek, chegara xizmatlari fuqarolardan post orqali harakatlanishda belgilangan tartib-qoidalarga qat’iy rioya qilishni so‘ramoqda.
