Qozog‘iston g‘arbida dron quladi
Dron aholi yashash punkti yaqinidan topilgan.
G‘arbiy Qozog‘iston viloyatining Qaraultobe qishlog‘i yaqinida mahalliy aholi yerga qulagan uchuvchisiz apparatni topdi. Bu haqda Kazinform xabar berdi.
Politsiya ma’lumotiga ko‘ra, hozirda qishloq hududida uchuvchisiz apparat qoldiqlariga o‘xshash buyumlar topilishi yuzasidan tekshiruv tadbirlari o‘tkazilmoqda. Mazkur obyekt aholi yashaydigan punkt tashqarisida topilgan va hodisa tafsilotlari o‘rganilmoqda.
Bu hududda bunday holatlar ilgari ham kuzatilgan. 2025-yil fevral–mart oylarida G‘arbiy Qozog‘istonning bir nechta tumanlarida noma’lum uchuvchisiz apparatlar topilgan. Shundan so‘ng Qozog‘iston Respublikasi Mudofaa vazirligi havo hududini nazorat qilishni kuchaytirish bo‘yicha qo‘shimcha choralar ko‘rgan.
Avvalroq, Qozog‘iston Mudofaa vazirligi bu kabi dronlarning 90 foizdan ortig‘i Rossiya 926-bosh uchish sinov markazi poligon hududiga to‘g‘ri kelishini bildirgan. Ushbu hudud va uning havo maydoni Rossiya tomonidan sinovlar uchun foydalaniladi.
