AQSH banknotlarida Donald Trampning imzosi tushiriladi
Bu Amerika tarixida amaldagi prezidentning imzosi milliy valyutada paydo bo‘ladigan ilk holat hisoblanadi.
AQSH Moliya vazirligi 2026-yil iyundan boshlab AQSH qog‘oz pullarida prezident Donald Trampning imzosi aks etishini ma’lum qildi.
Bu Amerika tarixida amaldagi prezidentning imzosi milliy valyutada paydo bo‘ladigan ilk holat hisoblanadi.
Trampning imzosi moliya vaziri Skott Bessentning imzosi bilan yonma-yon joylashtiriladi. G‘aznachilik departamentining xabar qilishicha, ushbu qaror AQSH mustaqilligining 250-yilligi munosabati bilan qabul qilingan.
Dastlabki eskizlar bo‘yicha, Tramp va Bessentning imzolari tushirilgan 100 dollarlik kupyuralar iyun oyida chiqariladi. Keyingi oylarda esa boshqa nominallar ham muomalaga kiritiladi. Yangi banknotlarning banklar orqali keng muomalaga kirishi bir necha hafta davomida amalga oshirilishi mumkin.
Moliya vazirligi rasmiylariga ko‘ra, banknotlarning umumiy dizayni o‘zgarmaydi, faqat moliya vaziri imzosi o‘rniga Trampning imzosi qo‘yiladi. Shuningdek, so‘nggi 165-yil ichida birinchi marta moliya vaziri imzosi puldan olib tashlanadi.
Hozirda sobiq prezident Jo Bayden davridagi moliya vaziri Janet Yelen va sobiq moliya vazir Lin Malerba imzolari tushirilgan banknotlar chiqarilmoqda.
Bu o‘zgarish Tramp ma’muriyati va uning ittifoqchilari tomonidan prezident ismini turli davlat binolari, muassasalar, dasturlar va tangalarga kiritish borasidagi navbatdagi qadam sifatida qaralmoqda.
