O‘zbekiston va Tojikiston Prezidentlari Buxoroga keldi
Shavkat Mirziyoyev va Emomali Rahmon viloyatdagi sanoat korxonalari faoliyati bilan tanishadi.
O‘zbekiston Respublikasi Prezidenti Shavkat Mirziyoyev O‘zbekiston-Tojikiston sammitining ikkinchi kuni tadbirlarida ishtirok etish uchun Buxoro shahriga keldi. Bu haqda prezident matbuot xizmati xabar berdi.
Qayd etilishicha, Buxoro xalqaro aeroportida Shavkat Mirziyoyev O‘zbekistonda davlat tashrifi bilan bo‘lib turgan Tojikiston Respublikasi Prezidenti Emomali Rahmonni kutib oldi.
Tantanali kutib olish marosimi bo‘ldi. Oliy martabali mehmon sharafiga milliy qo‘shiq va raqslar ijro etildi.
Bugun yetakchilar qadimiy Buxoroning tarixiy obidalarini ziyorat qiladilar. Sanoat korxonalari faoliyati bilan tanishish ham ko‘zda tutilgan.
