BMT Ho‘rmuz bo‘g‘ozida kemalar xavfsizligi bo‘yicha maxsus guruh tuzdi
Guruh faoliyati bo‘g‘oz orqali o‘g‘itlar va xomashyo tashishni ta’minlashga qaratilgan.
BMT bosh kotibi Antonio Guterrish Ho‘rmuz bo‘g‘ozida kemalar qatnovi xavfsizligini ta’minlash bo‘yicha maxsus ishchi guruh tuzdi. Bu haqda report.az xabar berdi.
Ma’lum qilinishicha, ishchi guruhga BMTning Loyihalarga xizmat ko‘rsatish boshqarmasi rahbari Jorj Moriyera da Silva rahbarlik qiladi.
“Ushbu ishchi guruhning ustuvor vazifasi Ormuz bo‘g‘ozida gumanitar maqsadlarni ta’minlash uchun texnik mexanizmlarni ishlab chiqishdan iborat”, — dedi BMT bosh kotibining rasmiy vakili Dyujarrik.
Uning so‘zlariga ko‘ra, guruh faoliyati bo‘g‘oz orqali o‘g‘itlar va xomashyo tashishni ta’minlashga qaratilgan.
Qayd etilishicha, tashabbusni amalga oshirishda BMTning avvalgi loyihalari, jumladan, Qora dengiz don tashabbusi tajribasi ham inobatga olinadi.
Mexanizm faoliyati a’zo davlatlar bilan yaqin hamkorlikda, xalqaro huquq normalari va davlatlar suverenitetiga rioya qilgan holda olib boriladi.
